Qytaılyq tarappen Qazaqstannyń tranzıttik-kólik áleýetin damytý keleshegi talqylandy
QR Premer-Mınıstri Asqar Mamın QHR Búkilqytaılyq halyq ókilderi jınalysynyń (BHÓJ) Turaqty komıtetiniń Tóraǵasy Lı Chjanshýmen «Astana» Halyqaralyq qarjy ortalyǵynyń (AHQO) alańynda kezdesti.
Úkimet basshysy Qytaı parlamentiniń basshysymen «Nurly jol» qazaqstandyq baǵdarlamasyn jáne «Bir beldeý - Bir jol» qytaı bastamasyn qosarlaý aıasyndaǵy yntymaqtastyqtyń odan arǵy perspektıvalaryn, onyń ishinde Qazaqstannyń tranzıttik-kólik áleýetin damytý keleshegin talqylady.
AHQO basqarýshysy Q. Kelimbetov QR Premer-Mınıstri men BHÓJ TK tóraǵasyn «Bir beldeý - Bir jol» bastamasy aıasyndaǵy AHQO jumysymen, sondaı-aq AHQO Bırjasynyń, Soty men Halyqaralyq arbıtraj ortalyǵynyń damýymen tanystyrdy.
«AHQO – Qazaqstannyń iri jobalarynyń biri. Ol aımaqtaǵy jetekshi qarjy ortalyǵyna aınalýy tıis», - dedi A.Mamın óz sózinde.
QHR atynan AHQO-ǵa qatysýshy – Qytaı Qurylys bankiniń, Shanhaı qor bırjasynyń, «SITIK Sekıýrıtız» kompanııasynyń, Qytaı Memlekettik damý bankiniń ókilderi AHQO alańyndaǵy qazaqstandyq-qytaı yntymaqtastyǵynyń jaı-kúıi men perspektıvalary týraly, onyń ishinde qytaı ıýanimen operatsııalar júrgizý úshin Esepteý-klırıng ortalyǵyn qurý jaıly aıtyp berdi.