Qytaılyq tanymal ánshi Dımashty izdep kelip jolyqty

ASTANA. QazAqparat - Hýnan telearnasynyń «Singer 2017» baıqaýynyń kelesi kezeńine daıyndyq kezinde qytaıdyń tanymal ánshisi Han Hýn Dımashty izdep keldi, dep habarlaıdy QazAqparat.

Hýnan TV-nyń «Day Day UP» shoýynyń tusiriliminen keıin Han Hýn men Hýan Iıshan Dımashpen jolyǵýdy uıǵarǵan. Han Hýn Dımashqa rızashylyǵyn bildirip, ánshiler kóńildi áńgimelesken.

Han Hýn - 1971 jyly Qytaıdyń Tıbet avtonomııaly ólkesinde dúnıege kelgen. Ákesi - qytaı, sheshesi - tıbettik. Tanymal áskerı ánshi, juldyz, kóptegen ánderdiń avtory, 2013 jylǵy «I am singer» baıqaýynyń jeńimpazy. Qytaılyq iri mýzykalyq básekelerdiń baǵalaýshysy.

Aıta keteıik, Han Hýnnyń eń bedeldi týyndysy jetim balanyń zaryn sýretteıtin «Tań atty» áni 2001 jyly jaryqqa shyqqan. Bul án kóptegen syılyqtardy jeńip alǵan.
 
Qytaılyq BAQ-tarǵa bergen suhbatynda Dımash Han Hýndy burynnan biletinin jáne «Tań atty» ánin alǵash ret 10 jasynda estigeni týraly aıtyp bergen.

Eske sala keteıik, Dımash «Singer 2017» baıqaýynyń segizinshi kezeńinde osy «Tań atty» ánin shyrqaǵan bolatyn. Bir ókinishtisi, baıqaýǵa bir kún qalǵanda Dımashqa salqyn tıip, tamaǵy aýyryp qalǵan. Sondyqtan oǵan aýyrǵandy basatyn dári ekken, osylaısha sahnaǵa shyqqan. Al Han Hýn Dımashqa ózi habarlasyp keńesin aıtyp, qoldaý bildirgen .