Qytaılyq sút ónimderinen taǵy da melamın tabyldy
ASTANA. Qańtardyń 25-i. QazAqparat - Qytaıdyń sút ónimderinen taǵy da melamın tabyldy, melamın - adam densaýlyǵyna qaýipti hımıkat bolyp tabylady,
dep habarlaıdy ITAR-TASS agenttigi.
Bul joly quramynda melamın bar balmuzdaq satqany úshin úsh birdeı kompanııa tutylyp otyr. Quramynda qaýipti hımıkat tabylǵan balmuzdaq ónimderi eldiń ońtústik-batysyndaǵy Gýıchjoı provıntsııasynan tabyldy, dep jazady "Chaına deılı" basylymy.
Ótken aptanyń sońynda osyndaı ónimder Sychýan jáne Tszıansý provıntsııalarynyń dúken sórelerinde de tabylǵan. Sarapshylar, bul 2008 jyly oryn alǵan «melamın janjalyna» deıin jasalǵan ónimderdiń qaldyǵy bolý yqtımaldyǵyn joqqa shyǵarmaıdy. «Melamın» janjalynyń saldarynan Qytaıdaǵy iri «Sanlý» sút kompanııasy bankrotqa ushyrap, onyń eki joǵary laýazymdy menedjeri sot úkimi boıynsha ólim jazasyna kesilgen bolatyn.
Qytaıda proteınniń quramyn arttyrý úshin sút ónimderine qosylǵan bul qaýipti hımııalyq zat, eń az degende, alty náresteniń ólimine sebep bolǵan edi. Taǵy 300 bala emdeý kýrsynan ótýge májbúr boldy.
