Qytaılyq sýperkompıýter álemdegi eń kúshti dep tanyldy
ASTANA. 18 maýsym. QazAqparat - Qytaılyq Thiane-2 («Qus joly - 2») Tor-500 kompıýterleriniń reıtıngisinde birinshi orynǵa shyǵyp, amerıkandyq Titan júıesin basyp ozdy.
Tianhe-2 qazir Qytaı Halyq-azattyq armııasynyń Qorǵanys ǵylymı-tehnıkalyq ýnıversıtetinde tur, keıinnen Gýanchjoýdaǵy esepteý ortalyǵyna kóshirilmek.
Qytaı kompıýteri 33,86 petaflops (33,86 kvadrıllıon operatsııa) ónimdilikti kórsetti, al amerıkandyq kompıýterde bul kórsetkish 17,59 petaflops boldy. Kóshbasshylar qatarynda AQSh-tan taǵy eki kompıýter - Sequoia jáne Mira, olardyń arasynda bir japondyq K computer bar.
Sýperkompıýterler tizimine reseılik segiz júıe ilikti, onyń ishindegi eń qýattysy - MMÝ-de ornatylǵan «Lomonosov» kompıýteri. Ol ótken jolǵydan kestede bes jolǵa keıin yǵysyp, 31-oryndy ıelendi, dep habarlady Lenta.rý.
