Qytaılyq stýdentter Abaı óleńderin jatqa oqydy
BEIJІŃ. QazAqparat - QHR-yndaǵy QR elshiliginde jyl saıynǵy dástúrli «Abaı oqýlary» ótkizildi. Bıylǵy shara Qytaı men Qazaqstan arasyndaǵy dıplomatııalyq baılanystardyń ornaǵanyna 25 jyl tolýyna oraı uıymdastyryldy, dep habarlaıdy «QazAqparat» HAA Qytaıdaǵy menshikti tilshisi.
«Abaı oqýlaryna» Qytaı syrtqy ister mınıstrligi men QHR kommertsııa mınıstrliginiń ókilderi, «Tszıntaı» mýzeıiniń dırektory Jo Hýa, Pekın shet tilderi ýnıversıteti janyndaǵy «Qazaqstan ortalyǵynyń» meńgerýshisi Hanshaıym Qarabaeva, Qytaıdaǵy shyǵarmashylyq ıntellıgentsııa men qazaq dıasporasynyń ókilderi, dıplomattar, qazaqstandyq jáne qytaılyq stýdentter qatysty.
Óz kezeginde QHR-daǵy QR-nyń elshisi Shahrat Nuryshev 2014 jyldyń 19 naýryzynda Pekınniń ortalyq «Chaoıan» saıabaǵynda orntalyǵan Abaı eskertkishiniń avtory - qytaılyq músinshi ıÝan Sıkýnıaǵa jáne eskertkishtiń boı kóterýine yqpal etken qytaılyq dıplomattar men mádenıet qaıratkerlerine, sondaı-aq, Qytaıda uly oıshyl shyǵarmashylyǵynyń keńinen nasıhattalaýyna septigin tıgizip júrgen aýdarmashy Ha Hýanchjan («Qabaı») men jazýshy Aqbar Májıtke alǵysyn bildirdi.
QHR SІM Eýropa jáne Ortalyq Azııa departamenti dırektorynyń orynbasary Lıý Bın Abaı murasynyń Qazaqstan úshin ǵana emes, dúnıejúzi halyqtary úshin ózekti ekenin atap ótti.
«Abaıdyń qara sózderi áli kúnge deıin ózektiligin joıǵan joq. Abaı - Qazaqstannyń sımvoly, qazaq halqynyń rýhy. Men Abaımen alǵash ret 2000 jyly qazaqstandyq dostarym qytaı tiline aýdarylǵan «Abaı jolyn» syıǵa tartqan kezinde tanystym. Men epopeıany bir demmen apta ishinde oqyp shyqtym. Abaı bizge ólmes mura qaldyrdy. Meniń oıymsha Abaı qazaqqa ǵana emes, kúlli álemge ortaq tulǵa», - dedi ol
Abaı oqýlary Pekın ýnıversıtetinde shet tilderin meńgerip júrgen stýdentterdiń kontserttik baǵdarlamasyna ulasty.
Kesh sońynda Elshi Sh. Nuryshev Pekın ýnıversıteti janyndaǵy «Qazaqstan ortalyǵynyń» meńgerýshisi Hanshaıym Qarabaevaǵa qytaı stýdentterin Abaı oqýlaryna daıyndaǵany úshin alǵys hat tabystady.
«Men qazaq tilin bir jyldan artyq ýaqyt boıy meńgerip kelemin. Búgin birinshi ret «Abaı oqýlaryna» qatysyp turmyn, maǵan óte unady. Abaı shyǵarmashylyǵymen tanysa otyryp, onyń rýhanı murasy meni qyzyqtyra tústi. Aldaǵy ýaqytta uly oıshyl shyǵarmalarymen tereńinen tanysatyn bolamyn», - dedi Pekın shet tilderi ýnıversıtetiniń 2-kýrs magıstranty Chjoý ıÝ QazAqparatqa qazaqsha suhbat berip. 
