Qytaılyq sheneýnikten 2 tonna aqsha tárkilendi
ASTANA. QazAqparat - Qytaıdaǵy sot bıligi QHR energetıka mınıstrligindegi sheneýniktiń úıinen 33 mln. dollarǵa jýyq aqshany tárkiledi.
Tárkilengen aqshalardyń jalpy salmaǵy 2 tonnany qurady. Olardy sanaý kezinde aqsha esepteıtin 16 qurylǵy isten shyǵyp qalǵan. Bul memleket tarıhynda tárkilengen eń úlken sýmma bolyp otyr. Qytaı energetıka mınıstrliginde basshylyq qyzmetten jasaıtyn Veı Pangýannyń ústinen jemqorlyqpen aınalysqany úshin qylmystyq is qozǵaldy. Sondaı-aq, tergeýshilerdiń aıtýynsha, qazirgi kezde jemqorlyqqa qatysy bar degen kúdikpen 11 sheneýniktiń ústinen is qozǵalyp, tergeý júrgizilýde, dep jazady sheteldik BAQ.
