Qytaılyq salmaǵy 70 keli bolatyn aıaq kıimmen serýenge shyǵady (FOTO)
ASTANA. QazAqparat - 55 jastaǵy Hýang Baokýan denege kóp kúsh túsirý adam adam ómirin uzartady dep esepteıdi jáne osy maqsatta ol erekshe jattyǵý ádisin oılap tapty. Qytaılyqtyń bul ádisi ony álemge tanytty.
Kún saıyn Sychýan provıntsııasyndaǵy shaǵyn aýyldyń turǵyny aıaǵyna salmaǵy 70 keli bolatyn aıaqkıimdi kıip alyp, 200 metr júredi. Hýang óziniń salmaǵynan da asyp túsetin aıaqkıimdi kıip júrý onyń densaýlyǵyn nyǵaıtady dep esepteıdi.
Anasynyń aıtýynsha, ol bul aıaqkıimdi 30 jyl buryn oılap tapqan. Sodan beri kún saıyn kıip alyp, serýenge shyǵady eken. Keı kezderi qolyna salmaǵy 7-10 kg bolatyn gantel de alyp júredi. Dene bitimine qarasa, Hýang asa iri de emes. Onyń aıaqkıimin kıip kórgen turǵyndar júrmek túgil ornynan da qozǵala almaǵan kórinedi.
Hýannyń ózi bolsa ár túrli ólshemdegi aıaqkıimderi bar ekenin jáne birden 70 keli emes jeńildeý aıaq kıim kııýden bastaǵanyn aıtty, dep jazady sheteldik BAQ.
