Qytaılyq Reseıden altyn quımalardy zańsyz alyp ótpek boldy
ASTANA. QazAqparat - Reseıdiń shekarasynan quny 8 mıllıon rýblden asatyn altyndy zańsyz alyp ótpekshi bolǵan Qytaı azamatynyń joly kesildi. Bul týraly Reseı Soltústik Sibir kólik prokýratýrasynyń resmı saıty habarlady.
2017 jylǵy 7 qazan kúni Reseıdiń Blagoveşensk keden beketinde 1981 jyly týǵan Qytaı azamatyn tekserý kezinde ultaraǵynan keden qaǵazynda kórsetilmegen 4 dana quıma altyn tabylǵan.
Sarapshy mamandardyń qorytyndysy boıynsha, zańsyz jolmen áketpek bolǵan altynnyń salmaǵy 3680 gramm. Baǵaly buıymnyń jalpy quny Reseı valıýtasymen 8 666 878 rýbldi quraǵan.
Atalǵan oqıǵaǵa baıldanysty Reseı Qylmystyq kodeksiniń 226.1-babynyń 1-bóligine sáıkes qylmystyq is qozǵaldy. Tergeý amaldary júrip jatyr.
