Qytaılyq polıtsııa Vetnammen shekarada kontrabandalyq qoltyraýyndardy ustady
ASTANA. QazAqparat - Vetnammen shekarada qytaılyq Gýansı-Chjýan okrýginde polıtsııa muzdatylǵan 70 sıam qoltyraýyny men 88 qoltyraýyn quıryǵyn tárkiledi.
Sınhýa aqparatyna súıensek, Fanchengan qalasynda shekarada kólikti tekserý kezinde polıtsııa júktiń taýar júkqujatyndaǵy jazbaǵa sáıkes kelmeıtinin anyqtady. Uzyndyǵy bir metr, quıryǵy jetpis santımetrlik kontrabandalyq qoltyraýyndar penoplastan jasalǵan qorapqa salynypty.
Júrgizýshi Fanchenganǵa jetkizý úshin Vetnamnan teńiz ónimderin ákele jatqanyn, júktiń qoltyraýyn bolyp shyqqanynan beıhabar ekenin málimdedi.
Qytaıda sıam qoltyraýyndaryn satý, tasymaldaý zańǵa qaıshy bolyp tabylady. Sebebi bul túri joıylyp ketý qaýpinde tur. Álemde mundaı qoltyraýyn bes myńdaı ǵana.
