Qytaılyq mıllıoner barlyq dúnıe-múlkin halyqqa taratyp, lashyqta turyp jatyr
ASTANA. QazAqparat - 38 jastaǵy Lıý Tszınchong Qytaıdyń isi júrip turǵan eń iri kásipkeri ári mýltımıllıoneri boldy. Alaıda ol bir kúni barlyq dúnıe-múlkinen bas tartyp, qarapaıym lashyqta ómir súrýdi qalady. Onyń túsiniginshe, baqytty baılyqqa satyp alý múmkin emes.
Onyń bundaı qadamǵa barýyna Lıýdiń dosymen birge saıahattap júrip jol apatyna túsýi sebep boldy.
«Iá, men kóp aqsha taptym. Sondaı-aq ol ómirim ózime unaıtyn edi. Alaıda qazir bári de ózgerdi. Meniń dosymmen Tsınhaı provıntsııasynda jol apatyna túsýim ómirimdi túbegeıli ózegrtti», - deıdi kásipker aǵynan jarylyp.
Qazir Lıý Tszınchong qarapaıym ǵana lashyqta turyp jatyr.
Lıý jol apatynan keıin býddıstik fılosofııany oqýǵa tolyqtaı den qoıady, al bul jerde materıaldyq jaǵdaı adamǵa kóp qaıǵy-qasiret alyp keledi dep úıretedi. Nátıjesinde kásipker ómirin ózgertýge bel býady.
«Men barlyq dúnıe-múlkimdi taratyp berdim. Onyń ishinde 8 avtokólik, jekemenshik úı, qala syrtyndaǵy úıler boldy. Qazir men kishkentaı lashyq satyp alyp, sonda turyp jatyrmyn. Bul jerde men dinı mátinderdi oqımyn», - deıdi ol.
