Qytaılyq qyz Van Feı konkımen júgirý sportynan Azııa rekordyn jańartyp, Azıada oıyndarynyń altynyn jeńip aldy
ANA. 4 aqpan. QazAqparat /Gúlmıra Álıakparova/ - Qytaılyq qyz Van Feı (Wang Fei) konkımen júgirý sportynan 1500 metrge júgirýden Azııa rekordyn jańartyp, 7-Qysqy Azııa oıyndarynyń chempıony atandy.
Astanadaǵy konkımen júgirý jabyq stadıonynda ótken jarysta Van Feı atalmysh qashyqtyqty 1 mınýt 58,37 seýndta júgirip ótti. Bul onyń ózi osydan úsh jyl buryn ornatqan rekordtan 1,5 sekýndtaı jaqsy kórsetkish. Atap óterligi, kúmis júldeni ıelengen ońtústikkoerıalyq No Synen da (Noh Seonyeong) Azııanyń aldyńǵy rekordynan jyldam júgire aldy, alaıda ol chempıonnan 0,9 sekýndqa utylyp qaldy. Qola júldeni japonııalyq Kodaıra Nao (Kodaira Nao) jeńip aldy. Ol jeńimpazdan 2,7 sekýnd qalyp qoıdy. Bul jarysta el namysyn qorǵaǵan Ekaterına Aıdova tórtinshi oryn aldy. Ol qola júldegerden nebári 0,03 sekýndqa qalyp qoıdy.
