Qytaılyq kompanııa Ózbekstanda azyq-túlik habyn qurýǵa nıetti

ASTANA. QazAqparat - Qytaılyq Xinjiang Changlong Investment Co. Ltd kompanııasy Buqar oblysynda azyq-túlik logıstıkalyq ortalyǵyn qurýǵa nıetti, dep habarlady Ózbek telegraf agenttigi.

«Ortalyq quramynda kókónis-jemis jáne et-sút ónimderin qaıta óńdeý boıynsha eki kásiporyn, karton jáne plastık qorap óndiretin kásiporyn qurýdy, tórt tońazytqysh kamera salýdy, energııa únemdeıtin zamanaýı jylyjaı salý, qarqyndy tehnologııamen baqsha otyrǵyzý, sondaı-aq  MAN  avtorefrıjeratorlar satyp alýdy josparlaýda», - dep atap ótti qytaılyq kompanııada.

Jobanyń jalpy quny $30 mln. Bul qarajattyń bóligi QHR Eksımbankten kredıt retinde tartylady.   

Barlyq óndiriletin jemis-kókónis ónimderin eksportqa shyǵarýdy josparlaýda. Ony ótkizý arqyly  jergilikti turǵyndar úshin júzdegen jumys orny qurylady.