Qytaılyq kompanııa Kókshetaýda JEO salýǵa nıetti
Kezdesýde taraptar Kókshetaýda jylý-energııa ortalyǵyn salý múmkindikterin qarastyrdy. Osy rette, oblys ákiminiń birinshi orynbasary Lı Hong myrza bastap kelgen qytaılyq kompanııa ókilderine oblystyń ekijaqty áriptestik ornatýǵa qyzyǵýshylyq tanytqan ınvestorlar úshin ashyq ekenin atap ótti. Ásirese, jańa óndiris oryndary ashylyp, ónerkásip salasy qarqyndy damyp, kópqabatty turǵyn úıler boı túzep kele jatqan Kókshetaý qalasy úshin jylý ortalyǵyn salýǵa nıetti ınvestorlarǵa ákimdik tarapynan barynsha jaǵdaı jasalynyp, qoldaý kórsetiletin eskertti.
«Qalamyz kúnnen kúnge damyp keledi. Sol sebepti jylý, energııa kózderine degen suranys arta túsýde. Jaqyn ýaqytta jylý-energııa ortalyǵyn salmasaq, birer jyldan keıin qalada jylý jáne energııa kózderiniń tapshylyǵy bolýy múmkin. Bizge osyǵan deıin birneshe kompanııa kelip, ınvestıtsııa salý týraly óz múmkindikterin usyndy. Degenmen, biz olarǵa birden talaptarymyzǵa saı atalǵan jobanyń júzege asyrýǵa nıetti áleýetti kompanııa tabylyp jatsa, solarmen jumys isteıtinimizdi eskerttik. Bizge eń bastysy, ózimizde shyǵarylatyn kómirdi paıdalanǵan tıimdi. Bul bir jaǵynan, ortalyqty otynmen úzilissiz qamtamasyz etýge múmkindik berse, ekinshiden kóptegen turaqty jumys orny, ári qarjy ózimizde qalady», dedi Dáýren Ádilbekov óz sózinde.
Kezdesýde qytaılyqtar óz múmkindikterin usynyp, jylý energııa ortalyǵyn salyp berýge daıyn ekenin jetkizdi. Lı Hong myrzanyń sózine qaraǵanda, alpaýyt kompanııa otyzǵa jýyq komanııalardyń basyn biriktiredi.
«Bizdiń «Westers POWER CHINA» kompanııamyz Qytaıdaǵy jekemenshik kompanııalardyń ishinde eń irisi. Quramymyzdaǵy komanııalar álemniń ár elinde ornalasqan. Qytaımen birge, Úndistan, Indonezııa tárizdi elderde jylý-energııa ortalyqtaryn salyp berdik. Usynystarymyz sizderdiń talaptaryńyzdan shyǵyp jatsa, sizderdiń qalalaryńyzda da osyndaı ortalyq salýǵa daıynbyz», - dedi Lı myrza.
Osy oraıda, jobaǵa qatysty usynys-pikirlerdi muqııat tyńdaı kele, oblys ákiminiń birinshi orynbasary Dáýren Ádilbekov nysannyń eń bastysy, ekologııalyq jaǵynan tıimdi bolýyn alǵa tartty. Sondaı-aq, naqtyly bir sheshim qabyldamastan buryn, jobanyń barlyq nusqalaryn egjeı-tegjeıli saralap baryp, sosyn ǵana naqty bir toqtamǵa kelý jónindegi kesimdi pikirin aıtty. Ásirese, ınvestorlarǵa salynǵan ınvestıtsııanyń qaıtarymy bolýy úshin bizdegi tarıftiń baǵasynyń arzan ekenin eskerte kele, memlekettik-jekemenshik seriktestik aıasynda qarastyrý tıimdi ekenin alǵa tartty.
Sonymen qatar, Dáýren Ádilbekov ınvestorlarǵa Kókshetaý qalasyn jylýmen qamtamasyz etip otyrǵan RK 1 jáne RK 2 aýdanaralyq jylý qazandyqtaryn aralap, naqty jaǵdaıdy kózben kórýdi usyndy.
Eske sala keteıik, osyǵan deıin «ALL ENERGY Holding LTD» Izraıl kompanııasy, AQSh, Lıvııa jáne Túrkııanyń birlesken «KHOURY/BAK/GLOBAL EDISON GROUP» kompanııasy jáne qytaılyq energııamen jabdyqtaý «HAIıÝANЬ» jáne jeńil ónerkásip salasyndaǵy ınjenerlik «China Machineru Engineering Corporation») tárizdi kórshi memleketten kelgen ondaǵan kompanııalar atalǵan jobaǵa qyzyǵýshylyq tanytyp, oblys basshylyǵymen ekijaqty kezdesýler ótkizgen bolatyn.
Ázirge, atalǵan nysannyń qurylysyn qaı kompanııa qashan qolǵa alatyny belgisiz. Aldaǵy ýaqytta oblys ákimdiginiń qoıyp otyrǵan talaptaryna saı jumys jasaıtyn kompanııaǵa basymdyq beriletini sózsiz.
