Qytaılyq kompanııa Aqmola oblysyna ınvestıtsııa salýǵa múddeli
KÓKShETAÝ. QazAqparat - Qytaılyq kompanııa Aqmola oblysyna ınvestıtsııa salýǵa múddeli. Bul týraly aımaq basshysy Məlik Myrzalınniń óńirdiń ınvestıtsııalyq əleýetimen tanysýǵa kelgen QHR delegatsııasyn qabyldaýynda aıtyldy, dep habarlaıdy QazAqparat tilshisi ákimdiktiń baspasóz qyzmetine silteme jasap.
Kezdesýde aımaq basshysy Málik Myrzalın atalmysh kezdesý osyǵan deıin Aqmola oblysy delegatsııasynyń Qytaı eline barǵan saparynyń nátıjeli jalǵasy ekenin atap ótti. Condaı-aq, qytaılyq kompanııa ókilderine oblystyń ekijaqty áriptestik ornatýǵa qyzyǵýshylyq tanytqan ınvestorlar úshin ashyq ekenine toqtala kele, jańa óndiris oryndary ashylyp, ónerkásip salasy qarqyndy damyp, halyq sany artyp kele jatqan oblystyń ınvestıtsııalyq múmkindikterin aıtty.
Eske sala keteıik, ótken jyldyń qarasha aıynda Aqmola oblysynyń delegatsııasy jumys saparymen Qytaı eline barǵan bolatyn. Onda Aqmola oblysyna ınvestıtsııa tartý múmkindikteri talqylandy.
Naqtyraq alatyn bolsaq, Kókshetaý qalasynda jylý-energııa ortalyǵy men oblys aýmaǵynda qoljetimdi turǵyn úı salý məseleleri sóz bolǵan edi.
Bul joly ákimdikte ótken kezdesýde Qiwei (Chıveı) kompanııasy basqarmasynyń basshysy Lıý Dzıandjýa «JEO qurylysymen», «Qoljetimdi turǵyn úı» jobalarymen jaqyn tanysatynyn atap ótti. Oǵan qosa, qytaılyq ınvestorlar aldaǵy eki kún boıy atalmysh jobalardy zerttep, naqty bir sheshimge keletinin de aıtty.
