Qytaılyq kompanııa Abaı oblysynda elektromobıl qurastyratyn zaýyt salýǵa nıetti
Abaı oblysy ákimdiginiń málimetine súıensek, óńir ákiminiń orynbasary Dımıtrıı Garıkov jáne ákimdiktiń qurylymdyq basqarma basshylary qytaılyq Geely kompanııasynyń ókilderimen kezdesti.
Kezdesý barysynda sheteldik kompanııa elektr qozǵaltqyshty, kommertsııalyq jáne mamandandyrylǵan tehnıkalardy tanystyrdy. Qytaı tarapy elektrondy formatta avtomobılder jelisiniń tusaýkeserin usynyp, ekijaqty ózara is-qımyl yntymaqtastyq máselelerin talqylady.
«Sonymen qatar Geely kompanııasynyń ókilderi Semeı qalasynyń aýmaǵynda elektromobıl qurastyratyn zaýyt salý máselesin kóterdi. Bul baǵytta kelissózder ary qaraı jalǵasady. Budan bólek, kompanııa ártúrli klastaǵy avtobýstar, taksıler men elektr qýattandyrý stansalarynyń jabdyqtaryn óndirýdi usynyp otyr», - delingen aqparatta.
Eske salsaq, osyǵan deıin Abaı oblysynda jeke kásibin bastaǵysy keletin kópbalaly otbasylarǵa 70 grant beriletindigi habarlanǵan.
