Qytaılyq «Qazaq jaýyngeri» qarsylasyn ekinshi raýndta sulatty
ASTANA.QazAqparat -WBO tujyrymy boıynsha jeńil salmaqta (53,5 kelige deıin -118fýnt) Azııa chempıony 23 jastaǵy Elshat Nyǵmatollauly (9-0-1, 1KO) 18 tamyz kúni Qytaıdyń Tszınan qalasynda kezekti jekpe-jeginde jeńiske jetti, dep habarlaıdy QazAqparat tilshisi.
Sohu sport portalynyń habarlaýynsha, Elshat bul kezdesýinde 122 fýnt (57 kelige deıin) salmaqta judyryqtasty. Qorytyndysynda ol qarsylasy taılandtyq Kaıonsak Potangti (25-16, 9KO) ekinshi raýndta nokaýtqa túsirip, 11-shi jeńisine qol jetkizdi.
Eske sala keteıik, «Qazaq jaýyngeri» degen laqap atymen belgili Elshat Nyǵmatollauly jáne sýper jeńil salmaqta (63,5 keli - 140 fýnt) WBA jáne WBC nusqasy boıynsha Azııa chempıony Beısenbi Násıollauly (12-0-1, 5KO) Qazaqstandyq boksshy Qanat Islamnyń (24-0, 19KO) jerlesi.
