Qytaılyq qazaq WBO tujyrymy boıynsha Azııanyń úzdik boksshysy dárejesin qorǵap qaldy
BEIJІŃ-KÝNЬMIN. QazAqparat - 26 aqpan kúni keshke QHR ıÝnnan provıntsııasy Kýnmın qalasynda kásibı bokstan jeńil salmaqtaǵy (53,5 kelige deıin) Qytaı chempıony 23 jastaǵy Elshat Nyǵmatollauly WBO tujyrymy boıynsha Azııa chempıony belbeýin qorǵap qaldy, dep habarlady osy eldegi «QazAqparat» HAA menshikti tilshisi.
Boksshy 37 jastaǵy fılıppındyq Djaıar Estremesti 6 raýndta jınaǵan upaı sanymen utty. Bul onyń kásibı rıngtegi 10-shy jekpe-jegi. Ol barlyǵynda jeńiske jetse, onyń ekeýin nokaýtpen aıaqtady.
«Bul aıqasta men chempıondyq beldigimdi qorǵap qaldym. Endi osy jyly sáýirdiń sońynda Aomenge, sosyn AQSh-qa barýdy josparlaýdamyn», - dedi ol QazAqparatqa bergen suhbatynda.
Eske salsaq, Qytaıda kásibı rıng chempıondarynyń kópshiliginiń otany QHR Shyńjań-Uıǵyr avtonomııalyq aýdany Altaı okrýginiń Kaba qalasy bolyp tabylady. Ol jerde boksshylardy Murat Boshaıuly jattyqtyrady. Ol Elshat Nyǵmatollauly, Beısen Nasıollaulynyń ǵana emes, sonymen birge Qanat Islamnyń da jolyn ashqan.
