Qytaılyq qazaq boksshy IBF týrnırinde jeńiske jetti

ASTANA.QazAqparat - Qytaıda týyp ósken 19 jastaǵy kásipqoı boksshysy Bekzat Sotsıalhanuly (1-1-2, 1KO) Halyqaralyq boks federatsııasy óńiraralyq uıymynyń (IBF B&R) Jibek joly chempıonat týry (IBF Silk Road Championship Tournament) Qytaıdaǵy kezeńinde jeńiske jetti, dep habarlaıdy QazAqparat tilshisi.

«Qytaı halyq gazeti» aqparattyq saıtynyń habarlaýynsha, aıtýly dodanyń Qytaıdaǵy kezeńi Sıýıchjoý qalasynda ótti. Orta salmaqta judyryqtasatyn Bekzat jeńilip kórmegen taılandtyq Chaıvat Mýenfýnmen (4-0-0 ,2KO) kezdesti.

Qorytyndysynda jekpe-jek 10 raýndqa sozylyp, qandasymyz tóreshiler sheshimimen (96:93, 97:92, 96:92) jeńiske jetti. Osylaısha, Bekzat aqpan aıynyń sońynda Makaoda ótetin IBF Jibek joly chempıonat týry aqtyq básekesine joldama aldy. Qandasymyz chempıonattyń aqtyq beldesýinde IBF B&R tıtýly úshin aıqasady.

Aıta keteıik, Bekzat Sotsıalhanuly Shyńjannyń Tarbaǵataı aımaǵynda týǵan. Kásipqoı bokstaǵy alǵashqy jekpe-jegin 2016 jyly Qytaıdaǵy IBF týrynda bastap, jalpy  sany 4 kezdesý ótkizdi.