Qytaılyq kásipker meıramhanaǵa kelýshiler sanyn kóbeıtý maqsatymen taǵamǵa esirtki qosyp kelgen
ASTANA. QazAqparat - Qytaıdaǵy kespe meıramhanasynyń ıesi kelýshiler qarasyn kóbeıtý maqsatynda tamaqqa esirtki qosyp otyrǵan.
Meıramhana ıesi Chjan qylmysyn moıyndap, aldymen bir klıentke «tájirıbe» jasap kórgenin aıtty. Chjannyń meırmahanasynan tamaqtanǵan bul adam bul jerge kúndelikti kelip as ishetin bolǵan. Osydan keıin Chjan ár kelýshiniń tamaǵyna esirtki qosyp otyrǵan.
Onyń bul isi meırmahana klıenti jol júrý erejesin buzyp, polıtsııaǵa túsken kezde áshkere boldy. 26 jastaǵy Lıý Djoýdy polıtsııa esirtki qoldanady dep aıyptady, al Djoý bolsa bundaı zatqa eshqashan jolmaǵanyn, meıramhanadan túski as iship kele jatqanyn aıtyp aqtaldy. Meıramhanaǵa kelgen polıtsııa qyzmetkerleri ondaǵy kelýshilerdiń taǵamdaryna esirtki qosylǵanyn anyqtady. Al meıramhana ıesi bolsa bundaı qadamǵa taǵamy dámdi bolý úshin jáne óz bıznesin jaqsartý maqsatymen barǵanyn aıtyp, aqtaldy, dep jazady sheteldik BAQ.
