Qytaılyq qasapshy 500 mysyqty semirtip, qoıan eti túrinde satpaq bolǵan
ASTANA. QazAqparat - Qytaıdaǵy Tszıansý provıntsııasynyń polıtseıleri qasapshynyń birneshe júzdegen mysyqty ne úshin semirtip jatqanynyń qupııasyn ashty.
Qaskúnem olardy ábden semirtip, meıramhanalar men dúkenderge qoıannyń eti túrinde satýdy kózdegen. Budan basqa qylmysker taýaryn bazarǵa shyǵaryp, árqaısysyn tórt dollardan ótkizbek bolǵan.
Aıta keter jaıt, qoıan etiniń baǵasy Qytaıda joǵary.
Aramdyqpen baıýdy kózdegen qatigez jandy polıtsııaǵa kórshileriniń biri ustap beredi.
Er adam osy okrýgte úı janýarlarynyń joǵala bastaǵandyǵyn baıqaıdy. Kerisinshe bir úıdiń aýlasynan mysyqtardyń mııaýlaǵan daýystary jıi estile bastaǵan.
Polıtseıler qylmyskerdiń úıin qorshap ishke kirgen kezde onyń birneshi mysyqtyń terisin sypyryp, etin bólshektep jatqanynyń ústinen túsedi.
Qasapshy úı janýarlarynyń tez semirýi úshin qozǵala almaıtyndaı shaǵyn torlarda ustaǵan. Mysyqtardyń aldynda tamaq jeterlik, sý da bar kórinedi. Al jeldetkish toqtaýsyz qosylyp turǵan, dep habarlaıdy South China Morning Post.
