Qytaılyq kəsiporyn Qostanaıǵa 1 mlrd dollardan astam ınvestıtsııa salady
QOSTANAI. QazAqparat - «SaryarqaAvtoProm» zaýyty, China National Vehicle Import and Export Company jəne «Kazakhexport» Eksporttyq saqtandyrý kompanııasy» AQ arasynda yntymaqtastyq memorandýmyna qol qoıyldy, dep habarlaıdy QazAqparat tilshisi.
Qol qoıý rásimine Qostanaı oblysynyń əkimi Arhımed Muhambetov, Qazaqstannyń Damý bankiniń tóraǵasy Bolat Jəmishev, «Allıýr» kompanııa toby» AQ basqarmasy tóraǵasy ıÝrıı Tshaı, General Technology Group kompanııasynyń ókili Vang Sý Sheng qatysty.
Oblys əkimi Arhımed Muhambetov qytaılyq kompanııa Qostanaıǵa 1 mlrd 200 mln dollar ınvestıtsııa quıatynyn aıtty.
«Bul az qarjy emes. General Technology Group kompanııasy əlemdegi əleýetti 500 kəsiporynnyń ishine kiredi. Sońǵy jyly Qostanaıdaǵy avtomobıl shyǵarý isi 4 paıyzǵa artty. Osy qarqynda jumys isteı bersek, otandyq avtoóndiris salasyn keńeıtip, əlemdik naryqqa emin-erkin shyǵamyz», - dedi óńir basshysy.
Búginde avtonaryqta básekelestik joǵary. Jospar boıynsha «SaryarqaAvtoProm» zaýyty jyl sońyna deıin alty myń dana kólikti satylymǵa shyǵarýǵa yntaly. «Allıýr» kompanııasy toby» AQ dırektorlar keńesi tóraǵasy Andreı Lavrentevtiń aıtýynsha, úshjaqty əriptestik nətıjesinde «SaryarqaAvtoProm» JShS JAC avtokólikterin Reseı naryǵyna shyǵarý quqyǵyna ıe bolady.
«Búgingi memorandým Elbasynyń qoldaýymen júzege asyrylyp otyr. Kásiporyn Qytaı, Ózbekstan sııaqty eldermen tyǵyz baılanysta. Sońǵy jeti jyl ishinde zaýyt 30 myń avtokólik qurastyrdy. Barlyǵy 41,6 mlrd teńgeniń ónimderi óndirildi», - dedi ıÝrıı Tshaı.
Qazaqstannyń Damý bankiniń tóraǵasy Bolat Jəmishev te búgingi memorandýmnyń mańyzyna toqtaldy. Onyń sózinshe, mashına qurastyrý isi el ekonomıkasyn damytýdyń basty tetigine aınaldy.
