Qytaılyq ınvestor Ekibastuzda kremnıı óndirisine 7 mlrd teńge ınvestıtsııa salýǵa ázir
ASTANA. QazAqparat - Qytaılyq ınvestor Ekibastuzda kúlden kremnıı shyǵarý úshin jeti mlrd teńge ınvestıtsııa salýǵa ázir. Oblystyq ındýstrııalyq-ınnovatsııalyq damý basqarmasynyń basshysy Nurbolat Seıtmaǵambetovtiń aıtýynsha, jylyna 35 tonna kremnıı shyǵaratyn «ANSA Silicon» kásiporny 2018 jyly iske qosylady.
Seriktestik ıesi GRES-1 aýmaǵynyń janynan jer telimin resimdep alǵan, dep habarlaıdy pavlodarnews.kz.
"Shıkizat retinde jergilikti GRES-te shyǵarylatyn qaldyqtar qoldanylady", - deıdi Nurbolat Seıtmaǵambetov. Óndiris ornyn otandyq kásipker ashqanymen qytaılyq ınvestor qarjy salady. Birinshi kezekte 5,5 mlrd teńge jumsalatyn jobanyń quny 7 mlrd teńgeni qurap, 364 jumys orny ashylady. Taýardy qytaılyq kásiporyndar satyp alýǵa nıet bildirip otyr.
