Qytaılyq Internette sóılesý úshin 244 esim oılap tapqan
ASTANA. QazAqparat - Suraqtarǵa jaýap izdeýge arnalǵan qytaılyq Zhihu saıtynyń qoldanýshysy portaldyń ózge paıdalanýshylarymen 244 túrli tulǵanyń atynan sóılesip kelgen.
Bul týraly Life.ru South China Morning Post-qa silteme jasap habarlady.
Shyn esimin anyqtaý múmkin bolmaǵan er adam Zhihu saıtynyń qoldanýshylaryn jańylystyryp,ózine ár joly jańa ómirbaıan oılap taýyp otyrǵan.
Mysalǵa, tyıym salynǵan zattarǵa táýeldilik taqyrybyn talqylaý kezinde ol, segiz jyl boıy em-dom qabyldaǵan nashaqor bolǵanyna sendirgen. Ózge taqyrypta er adam joly bolmaǵan kásipker retinde sóılesken.
Budan bólek, qupııa adam ózin polıtseı, balyqshy, ushqysh, shańǵyshy, júrgizýshi, aýyl basshysy, kólik satýshysy, kolledj lektory, sondaı-aq sharýa ıesi bolyp tanystyrǵan.
Qazirgi ýaqytta Zhihu ákimshiligi «qoldanýshylardy jańylystyrǵany úshin» onyń akkaýnttaryn buǵattady. Bul rette, 244 tulǵasy bar er adamnyń fanattar toby qurylyp úlgerdi, olar ony Qytaıdyń eń qyzyqty adamy dep ataýda. Jankúıerler Internette onyń izin izdestirip, baılanysqa shyǵýǵa tyrysýda.
