Qytaılyq Hanchjoý qalasy 2022 jylǵy Azııa oıyndaryn ótkizý quqyǵyna ıe boldy
ASTANA. QazAqparat - Qytaı eliniń shyǵysyndaǵy Chjetszıan provıntsııasynyń Hanchjoý qalasy Azııa Olımpıadalyq keńesiniń (AOK) sheshimimen 2022 jylǵy Azııa oıyndaryn ótkizý quqyǵyn aldy.
AOK bul sheshimdi Túrkimenstan astanasy Ashhabadtaǵy 34-shi kongresinde qabyldady.
Hanchjoý 2022 jylǵy Azııa oıyndaryn ótkizýge kandıdat bolǵan jalǵyz qala bolatyn. Sonymen, aımaqtyq oıyndar Qytaıda úshinshi ret ótkizilmek. Buǵan deıin 1990 jyly Beıjińde jáne 2010 jyly Gýanchjoýda uıymdastyrylǵan edi. Aıta ketsek, sońǵy Azııa oıyndary 2014 jyly Ońtústik Koreıanyń Inchhon qalasynda bolsa, al 2018 jyly Indonezııadaǵy Djakartada ótkizilmek.
