Qytaılyq ǵalamtordan arzan iPhone 6s-ke tapsyrys berip, onyń ornyna nan aldy
ASTANA. QazAqparat - Qytaı qalalardyń birindegi turǵyn alaıaqtardyń arbaýyna tústi. Ǵalamtordan iPhone 6s-ti nebary 230 dollarǵa satylatyny jónindegi jarnamany kórgen qytaılyq ony satyp alýǵa bel býǵan.
Aıta ketý kerek, ol satýshydan jarnamanyń ras nemese jalǵan ekenin suraǵan eken. Arzan telefon satýshy ony aldap ketpeıtinin aıtyp sendirgen. Ol: smartfondar Qytaıǵa shekaradan jasyrylyp ótkizilgen, ári baj salyǵy tólenbegendikten onyń baǵasy arzan (resmı baǵadan 70% arzan), degen.
Qytaılyq buǵan senip, telefonnyń qunyn tólep qoıady. Taýar ekinshi kúni sálemdememen jetkizildi, dep jazady phoneArena.
Satyp alýshy qorapty ashqanda onyń ishinde iPhone 6s smartfonynyń ornynda kúrishten daıyndalǵan juqa nandy kórdi. Munda bir qatelik ketti dep túsingen Hoý (japa shegýshiniń esimi) satýshymen baılanysqa shyqpaq bolady, alaıda satýshy izin sýytqan. Shaǵymdy qaraǵan polıtsııa «alaıaqty qolǵa túsirý ekitalaı» degen jaýap qaıtardy.
