Qytaılyq er adam ózdiginen júretin chemodan jasap shyǵardy - VIDEO
ASTANA. QazAqparat - 61 jastaǵy qytaılyq er adam ózdiginen júretin chemodan jasap shyǵardy.
Qytaı azamatynyń bul týyndysy skeıtbordy bar chemodanǵa uqsas bolyp keledi. Alaıda onyń kishkentaı qozǵaltqysh motory men batareıasy bar. Chemodan bir adamdy 20 km/saǵat jyldamdyqpen úsh saǵat boıy tası alady, dep habarlaıdy Sınhýa agenttigi.
Hýnan provıntsııasyndaǵy Iıan qalasynda turatyn He Lıantsaı esimdi er adam bastaýysh mekteptiń 4 synybyn ǵana bitirgen. Alaıda onyń bul bilimi jańa týyndy jasap shyǵarýǵa esh kedergisin keltirgen joq. He Lıantsaı 20 jyl buryn kólik jóndeýmen aınalysýdy bastap, kedeılikten qutylǵan. Osydan keıin ol óz armanyn júzege asyra bastaıdy. Bir kúni He Lıantsaı basqa qalaǵa baryp, chemodan tasýdan sharshap keledi. Oǵan sol kezde mynadaı oı keledi: «Nege adam chemodandy tasýy tıis? Chemodan adamdy tasymaı ma?» Osylaısha qart adam tasıtyn chemodan jasaýǵa kirisedi. Armanyn júzege asyrý úshin ol 10 jyl ýaqytyn sarp etken. Aqyr sońynda ol qozǵaltqyshy, tejegishi, sóndirgishi bar bar, ózdiginen júretin chemodan úlgisin jasap shyǵarady. Ol tek zatty salyp, adamdy tasyp qana qoımaı, ury-qarydan da zattardy saqtaı alady.
