Qytaılyq dárigerlerge aldanǵan múgedek balalardyń ata-analary QR SІM basshysynan kómek surady
ALMATY. QazAqparat - «Sezimtal» qoǵamdyq qory men múmkindigi shekteýli babalardyń ata-analary beıjińdik Lımın aýrýhanasy dárigerlerin qylmystyq jaýapkershilikke tartýǵa járdemdesý úshin QR Syrtqy ister mınıstri Erlan Ydyrysovqa ótinim jasady.
«Barsha Qazaqstan boıynsha tserebraldy sal aýrýy sındromymen balalary bar 13 otbasy beıjińdik Lımın klınıkasynyń qyzmetine júgingen eken. Alaıda, otbasy músheleriniń sózine qaraǵanda, olar em-dom men medıtsınalyq qyzmetterdi tıisti sapada jáne kólemde almaǵan. Bul otbasylardyń búgindegi shyǵyndary 197 myń AQSh dollaryna jetken»,-dedi baspasóz máslıhatynda «Sezimtal» QQ ókili, qorǵaýshy Suńqar Nurmaǵambetov.
Onyń sózine qaraǵanda, atalǵan otbasylar bul qomaqty qarjyny teńge devalvatsııasyna deıin nesıeler men qaryzdar arqyly alǵan jáne búginde endi bereshek somany qaıtarýǵa májbúr.
«Sonymen birge, balalar botoksti egý sharalarymen qamtylǵan, ıaǵnı bundaı em-dom Qazaqstan aýmaǵynda da iske asyrylady. Bul rette meniń bilýimshe, osyndaı sharalar elimizde aqysyz júrgiziledi»,-dedi advokat.
Óz kezeginde balasyn emdeýge aparǵan ata-ananyń biri Samıra Aıasheva qytaılyq klınıkada tıisti operatsııany jasaý úshin qajetti apparat múldem joq degen paıymǵa kelip otyr.
QR Syrtqy ister mınıstrine jasaǵan úndeýinde balalardyń ata-analary aýrýhana dárigerleri qasaqana alaıaqtyq jasap, ata-analardy jańylystyrý arqyly qarjylaryn ıemdenip alǵanyn atap ótken.
«Oılaǵandaryn iske asyrý turǵysynda professor Lıý Tszın Tszıýn, bas dáriger Van Tao, aýrýhana dırektory Van Lı Lı tserebraldy sal aýrýy dıagnozymen balalardy emdeý boıynsha kásibı dárigerler retinde ózderin tanystyrdy. Kóbimiz osy operatsııa úshin aqsha jınaý baǵytynda nesıe aldyq. Alaıda, operatsııa jasalmady. «Dısport» emdeý sharalary barsha álemde 200-300 AQSh dollary somasynda, al bizden qytaılyq professorlar 8 myń dollardan bastap aldy. Osy rette olar bul sharalar sońǵy býyndy operatsııalardy qamtıtynyn aıtyp túsindirdi»,-dep atap ótilgen ata-analardyń úndeýinde.
