Qytaılyq dárigerler ota jasaý kezinde tóbelesti
ASTANA. QazAqparat - Qytaıda tańǵalarlyq oqıǵa oryn aldy - ota jasaý bólimindegi eki dáriger arasynda janjal týyp, olar dál ota jasaý ústinde bir birine judyryq ala júgirgen.
Janjaldyń vıdeosyn Shanghaiist portaly jarııalady.
Jýrnalısterdiń málimdeýinshe, medıtsına qyzmetkerleri tóbelesiniń vıdeosy Lankaodaǵy (Henan qytaı provıntsııasy) aýrýhanalardyń birinde túsirilgen. Vıdeodan bastapqyda medbıkeniń meıirgermen kelispeı jatqandyǵyn baıqaýǵa bolady, al ol medbıkege qolǵap laqtyrady. Ashýlanǵan áıel qarsylasyna judyryq ala júgirgenimen, er azamattyń tarapynan qatty toıtarys beriledi. Osydan keıin operatsııa jasaý bólimindegi basqa dárigerler aralasyp, áriptester arasyndaǵy janjal saldarynan ota jasaý isin toqtatýǵa týra kelgen.
Qazirgi ýaqytta bolǵan oqıǵa isimen Lankao úeziniń polıtsııalary jáne janjal shyqqan aýrýhananyń basshylary aınalysyp jatyr.
