Qytaılyq dárigerler 12 jastaǵy qyzdyń basynan pyshaq alyp shyqty
ASTANA. QazAqparat - Qytaılyq dárigerler 12 jastaǵy qyzdyń basynan júzi 15 santımetr bolatyn pyshaqty alyp shyqty. Qıyn hırýrgııalyq operatsııa aıaqtaldy. Dárigerlerdiń boljamynsha, qyz kelesi aptada úıine orala alady, dep jazady 24.kz.
Jýrnalısterdiń aıtýynsha, oqıǵa Dýngýan qalasyndaǵy parkterdiń birinde balalar oınaıtyn alańda bolǵan. Qyzdyń dosy parktegi basqa ul balamen eregesip qalǵan. Jasóspirim qyz dosy ekeýi ketkeli turǵanda 13 jastaǵy buzaqy bala olardyń artynan pyshaq laqtyrǵan. Pyshaq júziniń 3 santımetri qyzdyń basyna kirip ketken. Aqhalattylar zardap shekken qyzdyń joly bolǵanyn aıtady. «Pyshaq tereńirek kirgende onyń ómirin saqtap qalý múmkin emes edi», - deıdi olar.
