Qytaılyq boıjetken ushaqqa alýǵa tyıym salǵan bir bótelke konıakti sol jerde qylǵytty
ASTANA. QazAqparat - Áýejaılarda qısynsyz jaǵdaılar jıi oryn alyp turady. Sońǵysy Beıjiń áýejaıynda bolǵan. Boıjetken demalystan keıin úıine oralyp jatqan, biraq ótkizý qyzmeti oǵan ushaqtyń bortyna qymbat konıaktyń bótelkesin ótkizýine ruqsat bermedi.
Áýejaı qyzmetkerlerimen kelisip kórý áreketterinen túk shyqpady. Sonda qymbat alkogoldi sýsynnan aıyrylǵysy kelmegen boıjetken kóp oılanbastan ony sol jerde iship alǵan.
Budan keıin onyń sózderi túsiniksiz bolyp, aıaǵynda tura almaı, es-tússiz jerge qulady. Bul qylyǵy tek áýejaı qyzmetkerleriniń emes, jolaýshylardyń da nazaryn aýdartty. Qulaǵannan keıin ornynan qaıta tura almaǵan qytaı azamatshasyna áýejaı qyzmetkerleri kómektesti. Іshimdikke sylqııa toıǵan ol áýejaıdyń demalý bólmesine jetkizilgen. Mas kúıinde ushýǵa tyıym salynǵandyqtan, reısinen qalyp qoıdy. Kóp uzamaı onyń týystary kelip, otbasymen túgel úılerine oraldy.
Boıjetkenniń Remy Martin XO Excellence konıagyn AQSh-ta saıahatynyń basynda satyp alǵany atap ótiledi. Bul sýsyn rasymen de qymbat. Ortasha alǵanda onyń bir bótelkesiniń baǵasy 160-170 dollar turady.
Foto: GLOBAL LOOK press
