Qytaılyq boksshyny qýyp júrip sabaǵan qazaq qyzy Azııa chempıony atandy
ASTANA. QazAqparat - Vetnamda ótip jatqan Azııa chempıonatynda qazaqstandyq boksshy Madına Nurshaeva 64 keli salmaqta Azııa chempıony atandy, dep habarlaıdy QazAqparat tilshisi.
Otandasymyz fınalda qytaılyq Dý Danmen judyryqtasyp, ony aıqyn basymdylyqpen utty. Birinshi raýndta qarsylasy shıraq qımyldaǵynymen, sońǵy sátterde Madına Nurshaeva ony buryshtan-buryshqa tyqpalap, soqqynyń astyna aldy. Asa tartysty ótken saıysta tóreshiler qazaq boksshysyn biraýyzdan jeńimpaz dep tanydy.
Endi sanaýly mınýttardan keıin sharshy alańǵa 69 keli salmaqtaǵy boksshymyz Valentına Halzova shyǵady. Ol fınalda Qytaıdyń taǵy bir boksshysy Gý Hongpen judyryqtasady.
Esterińizge sala keteıik, keshe 51 kelide Nazym Qyzaıbaı, 75 kelide Darıǵa Shákimova, 81 kelide Móldir Bazarbaeva jáne aýyr salmaqta (+81) Lázzát Kúngeıbaeva Qazaqstan qorjynyna qola medaldar syılaǵan bolatyn.
