Qytaılyq bıznesmen uqypsyz jumysshylaryn qurt jeýge májbúrlegen
ASTANA. QazAqparat - Shansı provıntsııasynyń bıznesmeni berilgen tapsyrmalardy oryndaı almaǵan qyzmetkerlerin qurt jeýge májbúrlegen. Bul týraly Shanghaiist habarlaıdy.
Basylymnyń jazýynsha, adamdy qorlaıtyn bul keleńsiz jaǵdaı Hanchjýn qalasyndaǵy bıznes-ortalyqtardyń birinde bolǵan.
Jetekshi bir úı-jaıdyń ishine 60 jas jumyskerdi jınaǵan. Qyzmetkerlerdiń biri olarǵa ishi tola qurt salynǵan shelekti, tamaqqa arnalǵan taıaqshalardy, saptyaıaqtardy jáne birneshe bótelke baıtszıý - alkogoldi sýsyndy alyp kelgen. Odan keıin satý bóliminiń jetekshisi kinálilerdi bir-birlep shaqyryp alkogol men qurt aralastyrylǵan qospany ishýdi usynǵan. Árbir aıyrylyp qalǵan klıenti úshin qyzmetker 4 qurtty jeýi qajet.
Fırmanyń Tsao esimdi dırektoryyń sózine qaraǵanda, árbir jumysshy jazany óz erkimen qabyldaǵan. Tek nárestesiniń bolashaǵynan qoryqqan aıaǵy aýyr áıel ǵana bas tartady, dep habarlaıdy lenta.ru.
