Qytaılyq BAQ: Dımash qatarlastarynan tym erte ozdy
ASTANA. QazAqparat - «I am a singer» baıqaýynyń qytaılyq tyńdaýshylary Dımash Qudaıbergenov óziniń vokaldyq basymdyǵyn tym erte pash etti, óz kezeńinde bul onyń kelesi kezeńderdegi kóshbasshylyǵyna nuqsan keltirýi yqtımal dep sanaıdy.
Bul týraly beıjińdik «Beıtszın jıbao» basylymy men «Jenmınvan» saıty habarlaýda.
«Birinshi kezeńde óte keremet óner kórsetken Dımash, ekinshi kezeńde kúrdeli sanalatyn «Opera-2» ánin sátti oryndap shyqty jáne birinshi oryn ıelengen bolatyn. Degenmen daýys berýden keıin, tilshiler baıqaý tyńdaýshylarymen tildesken bolatyn. Olardyń basym bóligi Dımash óz qatarlastaryn tym erte shań qaptyryp ketti dep sanaıdy. Sonymen qatar joǵary daýyspen án aıta berý tyńdaýshylarda «estetıkalyq turǵyda qajytyp», keıingi kezeńderde onyń kóshbasshylyǵyna nuqsan kelýi yqtımal», - dep jazady basylym.
Eske sala keteıik, Dımash buǵan deıin qytaıdaǵy Singer2017 án baıqaýyna qatysyp, birinshi jáne ekinshi kezeńiniń bas juldesin ıelengen bolatyn. Jerlesimiz 4 aqpan kúni Astana ýaqytymen 20:30-da baıqaýdyń úshinshi kezeńinde óner kórsetedi jáne onda Queen tobynyń «Show must go on» ánin shyrqamaq.
