Qytaılyq azamat ushaqqa qol júgine salynǵan tasbaqany ótkizbek boldy
ASTANA. 1 tamyz. QazAqparat - Qytaılyq Lı Gýanchjoýdan Beıjińge bet alǵan ushaqqa óziniń úı tasbaqasyn ótkizýge árekettengen.
Er adam qaýipsizdik qyzmetiniń nazaryna túspeý úshin ony býrgerge orap, óziniń qol júgine saldy.
Biraq Lıdiń oılastyrǵan jospary iske aspady. Mamandar jolaýshynyń júgin tekserý barysynda rentgen sáýleleri arqyly tasbaqany baıqap qalǵan.
Bastapqyda qytaılyq azamat kúmándi zattyń baryn teriske shyǵarǵanymen, artynan taǵamnyń arasynda tasbaqa jasyrylǵanyn moıyndady.
Oǵan áýejaıda tasbaqasymen qoshtasýǵa týra keldi.
