Qytaılyq azamat Reseıge úrlemeli matraspen júzip ótýge árekettengen
ASTANA. QazAqparat - Qytaı azamaty Reseıge Amýr ózeni arqyly úrlemeli matraspen júzip barmaqshy bolǵan.
Er adam Amýr oblysy Bıbıkovo aýyly mańynda reseılik shekarany kesip ótpekke árekettengen, dep habarlady RIA Novostı.
«Reseı FQQ Amýr oblysy boıynsha shekara basqarmasynyń jasaǵy úrlemeli matraspen memlekettik shekarany kesip ótpekshi bolǵan, túri azııalyq tulǵany qolǵa túsirdi. Ol ustalǵan kezde qarsylyq kórsetpegen. Qolynda QHR azamatynyń jeke basyn kýálandyratyn qujaty (1989 jyly týylǵan), azyq-túligi bolǵan», - dep habarlady óńirlik shekara qyzmetiniń baspasóz qyzmetinen.
Oǵan 200 myń rýblge deıin aıyppul salynýy, eki jylǵa deıin májbúrli jumys isteý ne sol merzimge bas bostandyǵynan aıyrý jazasy kesilýi múmkin.
