Qytaılyq azamat 700 keli shaqaǵa mashına satyp aldy
ASTANA. Qańtardyń 11-i. QazAqparat - Qytaıdyń Henan provıntsııasyndaǵy salondardyń birinde quny 22 myń dollar turatyn avtokóliktiń aqshasyn sanap berý amaly 4 saǵattan astam ýaqytqa sozyldy.
Satyp alýshy mashına úshin shaqa aqshamen eseptesti, dep jazdy juma kúni «Chaına Deılı» basylymy.
Lı esimdi azamat Henan provıntsııasynyń Lohe qalasyndaǵy avtosalonnan 150 myń ıýanǵa (22 myńnan astam dollar) kólik satyp almaq bolady. Kólikti kim satyp almaı jatyr, biraq bul oqıǵanyń ereksheligi, Lı jańa mashına úshin shaqamen eseptesken. 700 keli temir aqsha salynǵan 20 plastık qapshyqty ol salonǵa jalǵa alynǵan pıkap kóligimen jetkizgen.
Sóıtip aqsha sanaý 4 saǵattan astam ýaqytqa sozylǵan. Jáne bul operatsııanyń kúrdeli bolǵany sonsha, oǵan salonnyń 100-den astam qyzmetkeri jumyldyrylǵan.
Basylymnyń jazýynsha, jańa kóliktiń ıesi Lohe qalasynda meıramhana ustaıtyn kórinedi. Degenmen, ol azamattyń eseptesýdiń osyndaı jolyn tańdaýynyń sebebi týraly eshteńe aıtylmaıdy.
