Qytaılyq áıel rekord ornatý úshin shashyn eki jarym metrden asyryp ósirgen
ASTANA. QazAqparat - Qytaılyq Gı Meng Gınnestiń rekordtar kitabyna enýi úshin 35 jyldyń ishinde shashyn eki jarym metrden asyryp ósirgen, dep jazady Lenta.ru.
ıÝnnan provıntsııasyndaǵy Mıao halqynyń 59 jastaǵy áıeli shashyn 24 jasynan bastap kespegen. Onyń shashtary bir jylda alty-jeti santımetrge ósken.
Gı Meng shashyn qalyń burym etip óredi. Egistiktegi jumys kezinde basynda bes saqına etip orap, belinen úsh ret aınaldyrady.
Qytaılyq azamatsha uzyn shashtyń bolýy densaýlyqqa paıdaly ekenin aıtty, biraq paıdasy nede ekenin atamady. Sondaı-aq Gı Meng shashyn jýǵan soń burymyn jeti kún boıy kebetinin aıtty.
Buǵan deıin áıel shashyn 19 000 ıýanǵa satyp alý usynysynan bas tartty. Oǵan áıeldiń álemdik rekord ornatý tilegi sebep bolǵan. Qazirgi kezde birinshi oryn basqa qytaılyq áıel - Ksı Kýıpıngke tıesili bolyp otyr, ol Gınnestiń rekordtar kitabyna 2004 jyly engen. Sol kezdegi shashynyń uzyndyǵy 5,6 metr bolǵan.
