Qytaılyq áıel náresteni balalar úıine poshta arqyly jiberdi
ASTANA. QazAqparat - Qytaılyq Fýchjoý turǵyny jańa týǵan qyzyn balalar úıine kýrer pochtasymen jibergen. Bul týraly 11 tamyzda juma South China Morning Post-qa silteme jasap Strana habarlady.
Tasymaldaýshy (kýrer) ózine berilgen paket qozǵalyp, artynsha balanyń daýysyn estigennen keıin bir-aq polıtsııaǵa habarlasqan.
Tszınan aýdandyq aýrýhanasynyń qyzmetkeri sársenbide kýrerden balany alǵandaryn rastady.
Birneshe kún buryn dúnıege kelgen bala sap-saý bolyp shyqty.
Jergilikti polıtsııa 24 jastaǵy anasyn óz balasynan bas tartty dep aıyptady. Ol bes jylǵa deıingi merzimge sottalýy múmkin.
Eske salsaq, shilde sońynda Zaporojede ata-analary balalaryn bes myń dollarǵa satpaqshy boldy. Jaz basynda Polshamen shekarada chemodanmen balany alyp ótpekshi bolǵan Ýkraına azamatshasy ustaldy.
