Qytaılyq áıel 46 jyl boıy mıyna qadalǵan ıneni bilmegen
ASTANA. QazAqparat - Anhoı provıntsııasyndaǵy Hýaıbeı qalasynyń 48 jastaǵy turǵyny Lıý Kao aýrýhanaǵa kelip, ómir boıy bas aýrýynan qınalyp júrgenin aıtqan.
Budan buryn ony qaraǵan dárigerler tek aýrýyn basatyn dáriler berýmen ǵana shektelip kelgen. Taıaýda onyń denesiniń jartysy jansyzdana bastaǵan. Lıý Kaony túgel tekserýden ótkizgende ǵana belgisiz derttiń qupııasy ashyldy.
Kompıýterlik tomografııa onyń mıynda uzyndyǵy tórt santımetrden astam ıne qadalyp turǵandyǵyn kórsetken. Dárigerler onyń basta 46 jyldan beri júrgenin anyqtaǵan.
Qazir áıeldi otaǵa daıyndaýda.
