Qytaılyq áıel 40 jyl boıy basynda oq baryn sezbeı kelgen - FOTO
ASTANA. QazAqparat - 62 jastaǵy Chjao esimdi qytaılyq azamatsha sozylmaly tumaýdan kóp jyldar boıy beınet kórip kelgen. Múmkin qart áıel buǵan kóngen bolar edi, biraq sońǵy kezderi onyń basy jıi aýyratyn bolǵandyqtan, dárigerlerge kóringen. Rentgenge basyn túsirip alǵan dárigerler óz kózderine ózderi senbeı qalǵan. Qytaılyq áıelge dereý ota jasaldy.
Mirror basylymynyń habarlaýynsha, dárigerler naýqastyń murny astynan oq alyp shyqqan.
«Basyndaǵy oqpen jarty ǵasyrǵa jýyq ýaqyt boıy qalaı ómir súrip keldińiz?» degen saýalǵa ol jaýap aıtýǵa qınalǵan. Sebebi ol oq tıgen kezdi tipti sezbeı qalǵan bolsa kerek.
Qytaılyq tilshilerdiń jazýynsha, Chjao 14 jasynda bolǵan kezde onyń shekesinen qatty soqqy tıgen. Basyna tas túsip, jaraqattaǵan shyǵar degen oımen ol bul oqıǵany umytyp ketken. Taǵy bir boljam boıynsha, oǵan qańǵyǵan oq tıgen. Biraq ony bul qatty mazalamaǵandyqtan, dárigerlerge barýdy oılamaǵan.
