Qytaılyq avtotýrısterdiń alǵashqy legi Qazaqstan shekarasynan ótti
ALMATY. QazAqparat - Qytaılyq avtotýrısterdiń alǵashqy legi Qazaqstan shekarasynan ótti. Kerýen Astanadaǵy EKSPO-2017 sharasyna bet aldy, dep habarlaıdy QazAqparat tilshisi.
18 avtotýrıst 5 avtoúımen Almaty oblysy, Balqash, Qaraǵandy, Kókshetaý, Shýchınsk-Býrabaı, Shyǵys Qazaqstan oblystaryn kesip ótedi.
Qytaılyqtardyń kerýeni Qazaqstanǵa kelýi kedendik rásimdeýlerdiń jeńildetilgenin kórsetedi.
«Buryn toppen keletin týrısterdi kirgize almaıtynbyz. Óıtkeni, olardyń árqaısysyna bólek vıza toltyrý kerek bolatyn. 200 adamnyń árqaısysyn toltyryp otyrý múmkin emes. Endi biz týrıster tobyna arnalǵan vıza rásimdeı alamyz. Mysaly, búgin myna topty biz 2 saǵatta rásimdep boldyq. Munyń barlyǵy Qazaqstannyń týrıstik áleýetin arttyrýǵa kómektesedi. Bıyldyń ózinde 400-500 avtomobıl keledi dep otyrmyz», - dedi kompanııa dırektory Aıa Qusaıynova.
Qytaı týrıstik naryǵynda jylda 5 mln-ǵa jýyq adam avtoúılermen saıahattaıdy.
Qalalyq týrızm jáne syrtqy baılanys basqarmasynyń málimdeýinshe, mundaı týrıstik marshrýttar arnaıy kempıngter men úlken avtoturaq ınfraqurylymyn talap etedi.
Almaty ákimdigi memlekettik jekemenshik áriptestik aıasynda avtoúılerge arnalǵan avtoturaq jasaýdy qolǵa almaq.
