Qytaılyq avtoónerkásibi Kedendik odaq naryǵyna shyqty
BEIJІŃ. 27 jeltoqsan. QazAqparat /Rýslan Súleımenov/ - Qytaı kedenniń statıstıkalyq málimetteri boıynsha, bıylǵy jyldyń 11 aıynyń ishinde Sıntszıan-Uıǵyr avtonomııalyq aýdanynyń baqylaý-ótkizý pýnktinen 14 myńnan astam avtomobıl eksporttaldy.
Eksport kólemi shamamen 590 mln. AQSh dollaryn qurady, ótken jyldyń uqsas kezeńine qaraǵanda sáıkesinshe 2 esege ósti. Qazaqstanǵa avtokólikter eksporty 2,5 ese ósimmen shamamen 7 myń dana, Reseıge 4,5 ese ósimmen 3 myńnan astam dana boldy.
QazAqparat tilshisine bergen suhbatynda qytaı-eýropalyq qaýymdastyqtyń ekonomıkalyq jáne tehnıkalyq yntymaqtastyq boıynsha bas hatshysy Ý Haııýı Qytaıdyń óz avtomobılderin Ortalyq Azııa, ásirese Qazaqstanǵa eksporttaýdyń úlken bolashaǵy men múmkindikterin kóretindigin habarlady.
«Qazaqstan Ortalyq Azııadaǵy aýqymdy naryq bolyp tabylady. Budan basqa, Qazaqstan Respýblıkasy jaqynda qurylǵan Kedendik odaqtyń múshesi. Kelesi jyly biz qazaqstandyq tutynýshy qytaılyq avtoónerkásibin jaqsy bilýi úshin Qazaqstanda kólik kórmesin ótkizýge daıynbyz. Sodan keıin josparymyzda - birlesken kásiporyndardy qurý», - dep atap ótti Ý Haııýı.
«Sınhýa» agenttiginiń habarlamalary boıynsha, qytaılyq «Djılı» holdıngi Belarýste jeńil kólikter óndirisin qurýǵa qyzyǵýshylyq tanytyp otyr.
Osylaısha, Belarýs premer-mınıstri Mıhaıl Mıasnıkovıchtyń qytaılyq holdıngtiń basshylyǵymen jaqynda bolǵan kezdesýi kezinde jobany oryndaýdyń múmkindikteri qarastyryldy. Qytaılyq kólik ónerkásibi ónimi tusaýkeseriniń barysynda qytaılyq «Djılı» holdınginiń prezıdenti ıAn Tszıan Belarýs kásiporyndarynyń birinde jańa kúshterdi júzege asyrý boıynsha yntymaqtastyqty damytýǵa daıyn ekendigin bildirdi.
2010 jyly «Djılı» markasyndaǵy kólikterdi satýdyń negizgi kólemi 416 myńǵa jetti, sonyń ishinde eksporttaý 56 myń danadan asty.
