Qytaılyq aspaz QR men QHR yntymaqtastyǵyna arnalǵan taǵam daıyndady
ASTANA. QazAqparat - Qytaılyq aspaz qazaq-qytaı yntymaqtastyǵyna arnalǵan taǵam daıyndady. Dýan Shýdýn aspazdyq óneriniń týyndysyn 28 mamyrda Almatydaǵy Battle BBQ-2016 bas aspazdardyń baıqaýynda tanystyrdy, dep habarlady Sınhýa agenttigi.
Gansý provıntsııasynda týǵan Dýan Shýdýn sıyr men taýyq etinen «Dostyq kemesi» taǵamyn ázirledi. Aspaz jańa taǵamdy shyǵarýǵa jyl saıyn nyǵaıyp kele jatqan qazaqstandyq-qytaılyq yntymaqtastyq shabyttandyrǵanyn aıtty.
«Aspaz bolyp jumys istegenime 26 jyl boldy. Bul tańdaýyma bir mezet te ókingen emespin. Qazaqstanǵa shaqyrtý boıynsha keldim. Meni jergilikti taǵamdar qyzyqtyrdy. Ol qytaılyq taǵamdarǵa múlde uqsamaıdy. Alaıda Qazaqstan men Qytaıdyń dástúrlerin biriktiretin birneshe taǵam daıyndaǵym keledi. Mundaı alǵashqy taǵamdy ázirlep qoıdym!» - dedi Dýan Shýdýn.
