Qytaılyq aspaz 2 saǵatta 216 qoıdyń etin pisirip, Gınnestiń rekordtar kitabyna endi
ASTANA. QazAqparat - Qytaıda Abın degen atpen tanymal aspaz turady.
Etten alýan túrli taǵam pisiretin bul adam jýyrda 216 qoıdyń jiliktelmegen tutas etin bir ýaqytta qaqtap pisirip, álemdik rekord jasady. Tipti onyń bul jetistigin Ulybrıtanııadan kelgen Gınnestiń rekordtar kitabynyń ókili resmı túrde tirkep aldy.
Bul úshin Abın Nannın qalasynyń ortalyq parkindegi alańǵa ornatylǵan arnaıy temirlerge 216 qoıdyń bólshektenbegen tutas etin janshyp qoıyp, túrli dámdeýishter men maıdy jaǵyp shyqty. Artynsha et birtegis qaqtalýy úshin aýdarystyryp turdy. Jalpy aspazdyń etti pisirýine 2 saǵatqa jýyq ýaqyty ketken, dep habarlaıdy cri.cn-ǵa siltememen 24.kz.
