Qytaılyq arý 99 iPhone syıǵa tartqan súıiktisine turmysqa shyqpady
ASTANA. QazAqparat - Qytaılyq jas jigit jańa iPhone kez kelgen arýdyń júregin jaýlap alatynyna senimdi edi. Ol qyzyna 99 aıfon syıǵa tartty. Biraq jaǵdaı jigit oılaǵandaı bolmaı shyqty.
Sheteldik BAQ-tyń habarlaýynsha, qytaılyq Gýanchjoý provıntsııasynyń programısti otbasyn qurýǵa sheshim qabyldap, súıiktisiniń jaýabyn alýǵa ázirlenedi, ol oıyn búgin, 11 qarashada, QHR-da atalyp ótip jatqan Jalǵyzdyq kúni iske asyrmaqshy bolady. Ol unatqan qyzy «ıá» dep jaýap beretinine, bul kúndi jalǵyz qarsy almaıtynyna senimdi bolǵan.
Qyzdyń qolyn suraýǵa jigit erekshe daıyndyq júrgizdi. Ol 99 iPhone 6 smartfon satyp alyp, ony júrek pishiminde jınady. Ózi «aıfon» júrektiń ortasyna turyp, súıiktisin kútti. Boıjetken jigitiniń osynsha smartfon syılaǵan kóńilin, júrekti jaryp shyqqan sezimge toly lebizin jaıbaraqat qabyldady. Jigit sózin aıaqtaǵanda, ol «joq» dep jaýap berip, ketip qalǵan.
Osynsha smartfondy onyń endi qaıda jiberetini belgisiz. Jigit ony 82 000 dollarǵa satyp alǵan. Bul - onyń 2 jyldyq jalaqysy.
