Qytaılyq apparat Aı betinen túsirilgen Jerdiń alǵashqy sýretterin jarııalady - FOTO
ASTANA. 14 qańtar. QazAqparat - «Chane-3» Aı betinde júrýge arnalǵan apparaty Jerdi alǵashqy ret sýretke túsirdi dep jazdy lenta.ru.
Qytaılyq «Chane-3» modýli Aıdan túsirgen Jerdiń sýretin berdi. Sýret Aı betinen 2013 jylǵy 25 jeltoqsanda túsirilgen, alaıda búgin ǵana jarııalandy.
Qytaı KSRO men AQSh elderinen keıin Jerdiń tabıǵı seriginiń betine ǵarysh apparatyn jetkize bilgen úshinshi el boldy. «Chane-3-ke» deıin sońǵy ret 1976 jyly «Lýna-24» keńestik apparaty tabysty qonǵan bolatyn. Stantsııa Jerge 170 gramm aıdyń topyraǵyn ákelgen.
