Qytaılar Obamany sotqa bermek
ASTANA. 3 qazan. QazAqparat - Oregon shtatyna jel elektrstansysyn salýǵa shekteý qoıǵany úshin Qytaıdyń Ralls Corp kompanııasy AQSh Prezıdenti Barak Obamany sotqa bermek.
Qytaı kompanııasy ókilderi Barak Obamanyń bul sheshimin AQSh konstıtýtsııasyna sáıkes emestigin aıtady. Bul jóninde The Financial Times basylymyna silteme jasap, «Alash aınasy» habarlady.
Ralls Corp kompanııasy «Obama osy jobaǵa shekteý qoıýda óz ókilettiligin asyra paıdalanyp, shekten shyqty» dep otyr. Osyǵan deıin dál osyndaı máselemen eshkim de AQSh memleketi basshysymen sottasyp kórmegen. Jel elektr stansylary AQSh áskerı bazasy mańyna salynýy osy shekteýge muryndyq bolyp otyrǵanǵa uqsaıdy. Ralls Corp shekteý qoıý týraly sheshimniń kúshiniń joıylýyn nemese memleket kompanııa shyǵyndaryn ótep bergenin qalaıdy. Endi kompanııaǵa barlyq qural-jabdyqty, elektr stansysy turǵan jerdegi qurylǵylardy 14 kúnniń ishinde satyp úlgerýi kerek, al jer telimin satýǵa 90 kún berilip otyr. Onyń ústine kompanııanyń shyǵyny 10 mıllıon dollardan asyp ketken. Qytaılyqtar jýyrda «on mıllıondyq» elektr stansysyn eshkim de jappaıtyn mekenge kóshirmek. Al AQSh-tyń shetel ınvestıtsııasy komıteti aldaǵy ýaqytta taǵy da eki qytaılyq kompanııanyń jumysy toqtaıtynyn aıtady. Dál qazir Cnooc munaı kompanııasy men Kanadanyń Nexe kompanııalary arasynda 15 mıllıard dollarlyq kelisim júrgizilýde. Sonymen qatar Wanxiang fırmasy Massachýsetstaǵy A123 batareıalaryn óńdeıtin kásiporynǵa ınvestor bolmaq. Bul eki jobanyń sońǵysy AQSh tarapynan qoldaý taýyp úlgerdi.
