Qytaılar qazaqtyń qoıyn kóptep alýdy kózdeıdi
ASTANA. QazAqparat - Bıyl Qytaı Halyq Respýblıkasy qazaqtyń qoıyna kóptep tapsyrys berdi. Alaıda Qazaqstan ondaı tapsyrysty ázirshe oryndaı almaıdy, dep xabarlaıdy QazAqparat tilshisi.
«Negizi, bizge aýyl sharýashylyǵyn, sonyń ishinde tamaq ónerkásibin barynsha damytqan tıimdi. Sebebi Qazaqstanda aýyl sharýashlyǵy jerleri 200 mln gektardan asady. Osy múmkindikti jan-jaqty paıdalaný qajet. Aýyl sharýashylyǵy taýarlaryna da joǵary suranys bolady. Biz ony anyq baıqap otyrmyz. Biz kórshi Qytaıǵa jıi baryp turamyz. Máselen, bıyl olar qoı eti boıynsha bizge 160 myń tonnaǵa tapsyrys berip otyr. Ekijaqty kelisimsharttardy qazir-aq rásimdeýge ázir. Ókinishke qaraı, ázirshe biz ondaı tapsyrysty oryndaı almaımyz», - deıdi «Atameken» UKP basqarma basshysynyń orynbasary Nurjan Áltaev.
Aıta keteıik, búgin Astanaǵy «Kórme» ortalyǵynda otandyq taýar óndirýshileriniń «Uly Dala eli» atty kezekti forýmnyń otyrysy bastaldy. Forým aıasynda otandyq taýarlardyń kórmesi ashyldy . Oǵan 350 kompanııa qatysyp jatyr. Kórme aıasynda sheteldiń iri elektrondy saýda platformalary alǵash ret óz stendterin ashty.
