Qytaılar qazaqsha toı jasaýdy sánge aınaldyrdy
Tıan-Shan aqparattyq portalynyń habarlaýynsha, Іle qazaq avtonomııalyq oblysynyń Altaı aımaǵy Shińgil aýdanyndaǵy memlekettik qyzmetker Dýń Shınıe 15 tamyz kúni qazaqy úlgide toı jasady.
Heılýntszıan provıntsııasynan kelgen qalyńdyqtyń aıtýynsha, kúıeý jigittiń jumysynyń qaýyrttyǵyna baılanysty toıdy Shińgilde ótkizýdi uıǵarǵan. Áriptesteri arasynda qazaqtar kóp bolǵandyqtan jas jup toılarynda qazaqtyń ulttyq kıimin kıip shyqqan eken.
Bul kúnde qazaqtar mekendegen óńirlerde týyp ósken qytaı ultynyń azamattary qyzdaryn qazaqsha uzatyp, kelinderin qazaq salty boıynsha túsirýdi sánge aınaldyrǵan. Toı saltanatynda qytaılar qazaqtyń ulttyq kıimderin kıip, atqa minip toı serýenin jasaýmen qatar, betashar, shashý shashý, toı dastarqanyna et tartý jáne úıge jańa túsken kelinge otqa maı quıý sııaqty dástúrlerdi de oryndap jatyr.
