Qytaılar Aqtóbede polıetılen zaýytyn salady
BEIJІŃ. QazAqparat - Qytaıdyń Tianjin Bohua Petrochemical korporatsııasy Aqtóbe oblysynda tabıǵı gazdan polıetılen jáne polıpropılen óndirý jobasyna 4 mlrd dollar ınvestıtsııa quıatyn boldy, dep habarlaıdy «QazAqparat» HAA-nyń Qytaıdaǵy tilshisi.
Aqtóbe oblysy ákimi Berdibek Saparbaevtyń Beıjiń qalasyna jasaǵan jumys sapary aıasynda atalǵan joba boıynsha yntymaqtastyq memorandýmyna qol qoıyldy.
Atalǵan zaýyttyń qurylýy 3 myń jańa jumys ornyn ashý múmkindigin beredi. Ónim Qazaqstan men Qytaı naryǵyna, sondaı-aq kórshi elderge shyǵarylady.
B. Saparbaev pen Tianjin Bohua Petrochemical (Tianjin Bohai Chemical Industry Group-tyń enshiles kompanııasy) prezıdenti Chjoý Kaı (Zhou Kai) jobany júzege asyrý aıasynda QR ekologııalyq zańnamasyn saqtaý, qazaqstandyq kadrlardy daıyndaý, jańa tehnologııalardy qoldaný sııaqty ózekti máselelerdi talqylady.
Taraptar osy jobanyń júzege asyrylýy Aqtóbe oblysynyń ekonomıkasyna qarqyn beretinin tilge tıek etti.
Qytaı kásipkeri QazAqparat tilshisine bergen suhbatynda joǵaryda atalǵan jobany daıyndyq jumystary júrgizilgennen keıin 2-3 jyl ishinde júzege asyrylyp otyrǵandyǵyn aıtyp berdi.
